“ირანში გოგონათა სკოლაზე განხორციელებულ თავდასხმაზე პასუხისმგებელი შეერთებული შტატებია”- გამოძიება — Cnoba

მიმდინარე სამხედრო გამოძიებამ დაადგინა, რომ ირანში გოგონათა სკოლაზე განხორციელებულ თავდასხმაზე პასუხისმგებელი შეერთებული შტატებია. ამის შესახებ „ნიუ იორკ თაიმსი“ წერს. ანგარიშში ნათქვამია, რომ 28 თებერვალს, დაწყებითი სკოლის შენობაზე განხორციელებული დარტყმა აშშ-ის სამხედროების მიერ დაშვებული შეცდომის შედეგი იყო. წინასწარი გამოძიების თანახმად, აშშ-ის სამხედროები დარტყმებს ახორციელებდნენ მიმდებარე ირანულ სამხედრო ბაზაზე, რომლის ნაწილიც ადრე სკოლის შენობა იყო. ცნობისთვის, სამხრეთ ირანში, ქალაქ მინაბში, გოგონების სკოლას შაბათს, აშშ-ისა და ისრაელის მიერ ქვეყანაზე თავდასხმების პირველ დღეს დაარტყეს. ირანის სახელმწიფო მედიისა და ჯანდაცვის წარმომადგენლების ცნობით, თავდასხმას 175 ადამიანის სიცოცხლე ემსხვერპლა. მათი უმეტესობა ბავშვები იყვნენ. ‎ The post “ირანში გოგონათა სკოლაზე განხორციელებულ თავდასხმაზე პასუხისმგებელი შეერთებული შტატებია”- გამოძიება appeared first on მედიაცენტრი მთავარი - MTAVARI.