ცნობამეწყრული პროცესების განვითარების გამო, ქუთაისი-ტყიბულის გზაზე მოძრაობა აიკრძალა — Cnoba
ტყიბულის მუნიციპალიტეტის სოფელ კურსებში მეწყრული პროცესების განვითარების გამო, ქუთაისი-ტყიბულის გზაზე ყველა სახის ტრანსპორტის მოძრაობა აიკრძალა. ადგილზე საავტომობილო გზა სრულად არის გადაკეტილი. გავრცელებული ინფორმაციით, სოფელში მეწყრის შედეგად 5 სახლი დაინგრა. ამასთან, 38 ოჯახის ევაკუაცია განხორციელდა. გარემოს ეროვნული სააგენტოს ცნობით, სტიქიის ადგილზე იმყოფება გეოლოგების სამი ჯგუფი, რათა დადგინდეს გამომწვევი მიზეზები. ამასთან, საგანგებო სიტუაციების მართვის სამსახურის ინფორმაციით, მობილიზებულია შინაგან საქმეთა სამინისტროს სხვადასხვა დანაყოფის წარმომადგენლები, ასევე შესაბამისი ტექნიკა. მეხანძრე-მაშველები აქტიურ რეჟიმში ახორციელებენ სამუშაოებს. The post მეწყრული პროცესების განვითარების გამო, ქუთაისი-ტყიბულის გზაზე მოძრაობა აიკრძალა appeared first on მედიაცენტრი მთავარი - MTAVARI.