ცნობა
საქართველოს შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა ქურდობის ბრალდებით, წარსულში ნასამართლევი 1988 წელს დაბადებული ა.ვ. დააკავეს.
გამოძიებით დადგინდა, რომ ბრალდებულმა თბილისში სხვის საკუთრებაში არსებული ავტომობილი ფარულად მიითვისა და ადგილიდან მიიმალა. ჩატარებული საგამოძიებო მოქმედებების შედეგად სამართალდამცველებმა იგი მალევე დააკავეს.
გამოძიება მიმდინარეობს საქართველოს სისხლის სამართლის კოდექსის 177-ე მუხლით, რაც 10 წლამდე ვადით თავისუფლების აღკვეთას ითვალისწინებს.