ცნობა
“მიმდინარეობს უნებართვო კონსტრუქციების დემონტაჟი” | თქვა ბათუმის მუნიციპალური ინსპექციის ხელმძღვანელის მოადგილემ გამოცემა “აჭარა თაიმსთან” ბათუმის თევზის რესტორნებთან დაკავშირებით.
მოგვიანებით, განცხადება გაავრცელა ბათუმის მერიამაც: “სხვადასხვა მედიასაშუალებამ არასწორი ინფორმაცია გაავრცელა, თითქოს ე.წ. თევზის რესტორნების დემონტაჟი ხორციელდება. მოგახსენებთ, რომ ბათუმის მუნიციპალური ინსპექციის თანამშრომლების მიერ, მიმდინარეობს სახელმწიფო ტერიტორიაზე განთავსებული უნებართვო ობიექტის დემონტაჟი. ბათუმის მუნიციპალური ინსპექცია მოქმედებს კომპეტენციისა და კანონის სრული დაცვით”. ცოტა ხნის წინ ცნობილი გახდა, რომ ბათუმის შესასვლელთან თევზის რესტორნებს ანგრევენ – ადგილზე ამ წუთებშიც ხმაურია. რესტორნების მეპატრონეები ამბობენ, რომ მერიის მუნიციპალური ინსპექცია მათთან გაფრთხილების გარეშე მივიდა. კონკრეტულად რომელ რესტორანს ანგრევენ, ეს ჯერჯერობით უცნობია