ცნობასაქართველოს ფინანსთა სამინისტროს საგამოძიებო სამსახური-ის თანამშრომლებმა, ქვემო ქართლის საოლქო პროკურატურა-თან კოორდინაციით ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, სიცოცხლისა და ჯანმრთელობისთვის საფრთხის შემცველი ფალსიფიცირებული საქონლის დამზადების ფაქტზე ერთი პირი დააკავეს.
გამოძიებით დადგინდა, რომ ბრალდებული თბილისში, ნაქირავებ ბინაში ამზადებდა სხვადასხვა ბრენდული დასახელების არყებსა და ყალბ აქციზურ მარკებს, რომლითაც პროდუქციას ეტიკეტირებას უკეთებდა. ფალსიფიცირებული ალკოჰოლური სასმელები შემდგომში რეალიზდებოდა დედაქალაქის ტერიტორიაზე, კერძოდ გლდანი-სა და დიდუბე-ჯუღურეთი-ის რაიონებში არსებულ სავაჭრო ობიექტებსა და კვების დაწესებულებებში.
ჩხრეკის შედეგად ნაქირავები ბინიდან, მის მიმდებარედ გაჩერებული ავტომობილიდან და სავაჭრო ობიექტებიდან ამოღებულია სხვადასხვა ბრენდული დასახელების ალკოჰოლური სასმელები, მათ შორის: Stolichnaya, Nemiroff, Finlandia, Talka, Polus და Хлебная. ასევე ამოღებულია ცარიელი ბოთლები, ალკოჰოლის დამზადებისა და ჩამოსხმისთვის საჭირო მასალები და ყალბი აქციზური მარკები.
გამოძიება მიმდინარეობს საქართველოს სისხლის სამართლის კოდექსის 200¹ მუხლის მე-2 ნაწილით, 197-ე მუხლის მე-3 ნაწილითა და 196-ე მუხლის პირველი ნაწილით. აღნიშნული დანაშაული სასჯელის სახით 5-დან 7 წლამდე ვადით თავისუფლების აღკვეთას ითვალისწინებს.
საგამოძიებო სამსახური აცხადებს, რომ აგრძელებს აქტიურ მუშაობას ფალსიფიცირებული ალკოჰოლური სასმელების დამზადებისა და რეალიზაციის ფაქტების გამოვლენისა და აღკვეთის მიმართულებით.