ცნობასაქართველოს ფინანსთა სამინისტროს საგამოძიებო სამსახურიმ სიცოცხლისა და ჯანმრთელობისთვის საფრთხის შემცველი ფალსიფიცირებული თევზის კონსერვის დამზადება-გასაღების ფაქტზე შპს „ბატონო“-ს ხელმძღვანელი, ბიზნესმენ ივანე გოგლიძე დააკავა.
გამოძიებით დადგინდა, რომ 2025 წელს სახელმწიფო ტენდერის ფარგლებში 380 792 ლარის ღირებულების 24 177.3 კგ კონსერვი მიეწოდა საქართველოს სასაზღვრო პოლიციასა და სახელმწიფო კვებითი უზრუნველყოფას. პროდუქცია განკუთვნილი იყო შინაგან საქმეთა და თავდაცვის სამინისტროების თანამშრომელთა კვებისთვის.
საწარმოს ჩხრეკისას ამოღებულია 17 241 ერთეული ფალსიფიცირებული კონსერვი. ექსპერტიზის დასკვნით, პროდუქცია არ აკმაყოფილებს მიკრობიოლოგიურ სტანდარტებს, იყო უვარგისი მოხმარებისთვის და ნაწილობრივ მაღალი ტოქსიკურობის გამო ექსპერტიზაც ვერ ჩატარდა. ასევე დადგინდა, რომ შიგთავსი არ შეესაბამებოდა ეტიკეტზე მითითებულ მონაცემებს.
ბრალდებულს აღკვეთის ღონისძიების სახით პატიმრობა შეეფარდა. გამოძიება სისხლის სამართლის კოდექსის 197-ე მუხლის მე-3 ნაწილით მიმდინარეობს, რაც 5-დან 7 წლამდე თავისუფლების აღკვეთას ითვალისწინებს.