ცნობა
“ჩვენ უტყუარი ინფორმაცია მივაწოდეთ ევროკავშირს, რომ სასანქციო რეჟიმი ყულევში არ ირღვევა. ევროკომისიას გავუგზავნეთ შესაბამისი ინფორმაცია და დაველოდოთ ევროკომისიის გადაწყვეტილებას. გამომდინარე იქიდან, რომ 0 ფაქტი არსებობს სანქციების რეჟიმის დარღვევასთან დაკავშირებით, მე მგონია, რომ არ მოხდება. დანარჩენი დაველოდოთ ევროკომისიის პოზიციას.
ერთ-ერთი სტრატეგიული ობიექტია და რა თქმა უნდა, ნამდვილად არ არის კარგი სასანქციო პაკეტში მისი მოხვედრა. რაც სააკაშვილს უხარია, რაც ნაცს უხარია, ის არ უხარია ქართველ ხალხს” | ამბობს კობახიძე ყულევის ნავთობტერმინალის შესაძლო დასანქცირებასთან დაკავშირებით დასმული კითხვების პასუხად.
9 თებერვალს რადიო თავისუფლებამ გაავრცელა ინფორმაცია, რომ ყულევის პორტს ევროკავშირის სანქციები ემუქრება. გამოცემა წერს, რომ EU ყულევის პორტის შეყვანას რუსეთის წინააღმდეგ სანქციების მე-20 პაკეტში აპირებს. როგორც გამოცემა წერს, მისმა ცენტრალურმა სამსახურმა მოიპოვა ევროკომისიის მიერ შემუშავებული შეთავაზება ევროკავშირის სანქციების მე-20 პაკეტთან დაკავშირებით, რომელშიც ყულევის პორტზეცაა საუბარი.