ცნობა
პატრიარქის დაკრძალვაზე ჩამოსულ რუსულ დელეგაციაშია მოსკოვის საპატრიარქოს საგარეო ურთიერთობათა განყოფილების ყოფილი თავმჯდომარე, მიტროპოლიტი ილარიონ ალფეევი.
ალფეევის ვიზიტმა, 2017 წელს, კათოლიკოს-პატრიარქ ილია მეორის მიერ მიტროპოლიტ შიოს მოსაყდრედ დადგენამდე რამდენიმე დღით ადრე, მრავალი კითხვა გააჩინა. ალფეევი ერთდღიანი სამუშაო ვიზიტით ჩამოფრინდა და გაფრინდა. წლების განმავლობაში მრავალი სასულიერო პირი, მათ შორის, მღვდელმთავარი, გამოთქვამდა ეჭვს, იყო თუ არა პატრიარქის გადაწყვეტილება ზეწოლისგან თავისუფალი. მოგვიანებით მიტროპოლიტი ილარიონ ალფეევი კირილმა საგარეო პოსტიდან გადააყენა და ბუდაპეშის მიტროპოლიტად დაადგინა. ილარიონმა იქ წაიყვანა იაპონური წარმომავლობის სტიქაროსანი, რომელმაც მას ჩანაწერები გამოუქვეყნა. სკანდალის შემდეგ ილარიონი გადადგა.