ცნობა„მშვიდობის მარშზე“ ვიქტორ ორბანის მხარდასაჭერად ბუდაპეშტში უნგრეთის პრემიერის ათობით ათასი მომხრე გამოვიდა. პრემიერ- მინისტრის მხარდაჭერასთან ერთად, აქციის მონაწილეებმა უკრაინის მხრიდან უნგრეთის არჩევნებში ჩარევის მცდელობა და მილსადენ „დრუჟბის“ დაბლოკვით მანიპულირება გააპროტესტეს. წინასაარჩევნო აქციაზე სიტყვით ვიქტორ ორბანიც გამოვიდა.
„წინ 28 რთული დღე გვაქვს. ჩვენ უნდა გავიმარჯვოთ, რათა შევინარჩუნოთ ანტისაომარი ალიანსი. აპრილის არჩევნების შემდეგ, ქვეყანას არა მღელვარება, არამედ სიმშვიდე, თავდაჯერებული ლიდერი, ნათელი გონება, საიმედო ხელი, სტრატეგიული სიმშვიდე და გამოცდილება სჭირდება და ეს ყველაფერი ჩვენ გვაქვს. ჩვენ შეგვიძლია ქვეყანას მშვიდობა და უსაფრთხოება შევუნარჩუნოთ. ჩვენ ისეთი დამაჯერებელი გამარჯვება უნდა მოვიპოვოთ, რომ ბრიუსელმა და კიევმა მხოლოდ თვალის დახამხამება შეძლონ“, – განაცხადა მან.
ინფორმაციისთვის, უნგრეთის პრემიერ-მინისტრმა “მშვიდობის მარში” გამართა. მსვლელობაზე თავი მოიყარეს ვიქტორ ორბანის მხარდამჭერებმა. აქციაზე იყო ბანერები წარწერით “ჩვენ არ ვიქნებით უკრაინის კოლონია”.
ვიქტორ ორბანმა საკუთარ ამომრჩევლებს სიტყვითაც მიმართა და კიდევ ერთხელ გაუსვა ხაზი, რომ 12 აპრილს მოქალაქეები არჩევანს ომსა და მშვიდობას შორის გააკეთებენ.
პარალელურად, ბუდაპეშტში მოეწყო კონტრ აქციაც. საკუთარი მომხრეები შეკრიბა ოპოზიციური პარტია, “ტისას” ლიდერმა.
The post ვიქტორ ორბანი: ჩვენ უნდა გავიმარჯვოთ, რათა შევინარჩუნოთ ანტისაომარი ალიანსი appeared first on გურია ნიუსი.