ცნობა
ეუთოს “მოსკოვის მექანიზმი” საქართველოს სახელმწიფოს მოუწოდებს, ითანამშრომლოს ქიმიური იარაღის აკრძალვის ორგანიზაციასთან (OPCW) , რათა პასუხი გაეცეს პროტესტის მონაწილეების მიმართ ქიმიკატების გამოყენების ბრალდებებს.
ანგარიში ასევე მიმართავს ქიმიური იარაღის 1992 წლის კონვენციის წევრ სახელმწიფოებს, რომ მათ შეუძლიათ მიმართონ OPCW-ის აღმასრულებელ საბჭოს, რათა ნათელი მოეფინოს ქიმიური იარაღის სავარაუდო გამოყენების ბრალდებებს, კონვენციის შესაბამისად.
ანგარიშში აღნიშნულია, რომ პროტესტის დაშლისას, წყლის ჭავლთან და რეზინის ტყვიებთან ერთად იყენებდნენ წიწაკის სპრეის, ცრემლსადენ გაზს და სხვა ქიმიურ გამაღიზიანებლებს, აქვე მოყვანილია BBC-ის გამოძიების დასკვნა კამიტის გამოყენების შესახებ და აღნიშნულია, რომ ამ ზომების გამოყენება (გამოყენებული ქიმიური ნივთიერების დასახელებაზე დასკვნის გარეშე) დასტურდება საჯაროდ მისაწვდომი წყაროებით.
ანგარიშში მოყვანილია მიღებული ჩვენებები, რომლებიც აღწერს ქიმიური ნივთიერებით მიღებულ დაზიანებებს და გრძელვადიან სიმპტომებს, აღნიშნულია ქართული ოცნების ჩინოვნიკების მიერ ამ ბრალდებების უარყოფაც