ცნობა
თავდასხმა ერაყის ტერიტორიულ წყლებში, ქალაქ ბასრის მახლობლად ნავთობის ორ უცხოურ ტანკერზე – დაღუპულია სულ მცირე ერთი ადამიანი. მედიის ინფორმაციით, ერაყის ხელისუფლება იძულებული გახდა, ქვეყნის ყველა ნავთობტერმინალის ოპერაციები შეეჩერებინა.
ერაყის უსაფრთხოების სამსახურის წარმომადგენელმა CNN-ს განუცხადა, რომ სატვირთო გემებზე თავდასხმა ირანმა განახორციელა. ირანის სახელმწიფო ტელევიზიის ცნობით, ორი ტანკერი ირანის უპილოტო წყალქვეშა აპარატმა ააფეთქა.
ფარჰან ალ-ფარტუსის განცხადებით, ერაყში კომერციული პორტები ღია რჩება, თუმცა ნავთობტერმინალები დახურულია.