ცნობასამოქალაქო განათლების კლუბი „მე-დიატორი“ რუსთავის ახალგაზრდებთან კომუნიკაციის კიდევ ერთ საინტერესო შესაძლებლობად იქცა. კლუბის ფარგლებში განხორციელებული აქტივობები აჩვენებს, რომ ახალგაზრდები სწორად აცნობიერებენ მოქალაქეობრივი პასუხისმგებლობის მნიშვნელობას და მზად არიან აქტიურად ჩაერთონ ქალაქის და ქვეყნის განვითარების პროცესში.
რუსთავის მერის, ნინო ლაცაბიძის განცხადებით, დღევანდელმა შეხვედრამ კიდევ ერთხელ დაამტკიცა, რომ ქალაქში ფუნქციონირებს განათლებული, სწორ ღირებულებებზე ორიენტირებული და აქტიური ახალგაზრდული ჯგუფი, რომელიც ძლიერი სამოქალაქო საზოგადოების შექმნაში მნიშვნელოვან როლს ასრულებს.