ცნობასაქართველოს სახელმწიფო უსაფრთხოების სამსახურის ანტიკორუფციული სააგენტოს თანამშრომლების მიერ, ქვეყნის სხვადასხვა რეგიონში ჩატარებული მასშტაბური ოპერაციის შედეგად, 12 სისხლის სამართლის საქმეზე კორუფციულ დანაშაულში ჩართული 30 ადამიანი დაკავებულია და პასუხისგებაშია მიცემული.- ამ საკითხზე დღეს გამართულ ბრიფინგზე ამავე სააგენტოს დირექტორმა ემზარ გაგნიძემ ისაუბრა.
გამოძიებები მოიცავს სხვადასხვა ფაქტებს, მათ შორის ქრთამის აღებას, სამსახურებრივი უფლებამოსილების ბოროტად გამოყენებას, თაღლითობას, ყალბი დოკუმენტაციის გამოყენებასა და სამსახურებრივ გულგრილობას. საქმეები საქართველოს სხვადასხვა მუნიციპალიტეტებში ფიქსირდებოდა, მათ შორის ახმეტა, ქობულეთი, თბილისი, მარტვილი, წალენჯიხა, ცაგერი, გარდაბანი, მცხეთა, მარნეული, სენაკი და ხულო.
ბრიფინგზე განაცხადეს, რომ გათვალისწინებული სასჯელი თითოეული დანაშაულისთვის 4–9 წლამდე ვადით თავისუფლების აღკვეთას ითვალისწინებს.
. გამოძიებები მიზნად ისახავს კორუფციის შემცირებას, სახელმწიფო საქმიანობაში გამჭვირვალობის უზრუნველყოფას და სამართლებრივი პასუხისმგებლობის გამკაცრებას.
ანტიკორუფციული სააგენტო განაგრძობს მუშაობას კორუფციული დანაშაულების გამოვლენასა და პრევენციის მიზნით, ქართული სახელმწიფოს გაცხადებული მიზნის – კორუფციის დაბალი დონით მსოფლიო ლიდერთა შორის ყოფნის – მისაღწევად.