ცნობარუსეთის პრეზიდენტმა, ვლადიმერ პუტინმა და ირანის პრეზიდენტმა, მასუდ პეზეშკიანმა სატელეფონო საუბარი გამართეს. ინფორმაციას კრემლი ავრცელებს.
რუსული მხარის ცნობით, სატელეფონო საუბრის დროს პუტინმა კიდევ ერთხელ მიუსამძიმრა პეზეშკიანს ირანის უზენაესი ლიდერის, აიათოლა ალი ხამენეის გარდაცვალების გამო.
„დადასტურებულია რუსეთის პრინციპული პოზიცია სამხედრო მოქმედებების დაუყოვნებლივ შეწყვეტის, ირანისა და ახლო აღმოსავლეთის მთელი რეგიონის გარშემო არსებული პრობლემების ძალისმიერი გზით გადაჭრაზე უარის თქმის, პოლიტიკურ-დიპლომატიური დარეგულირების გზაზე უსწრაფესი დაბრუნების შესახებ“, – აღნიშნულია კრემლის განცხადებაში.
პეზეშკიანმა, თავის მხრივ, რუსულ მხარეს მადლობა გადაუხადა ირანელი ხალხის მიმართ გამოჩენილი სოლიდარობის გამო. მან აგრეთვე ირანში მიმდინარე საბრძოლო მოქმედებების შესახებ პუტინი საქმის კურსში ჩააყენა და უახლესი ცნობები გააცნო.