ცნობა2026 წლის თებერვალში საქართველოში ინფლაცია 4.6%-მდე შემცირდა – ამის შესახებ საქსტატის მიერ გამოქვეყნებულ ანგარიშში არის აღნიშნული. საქსტატი ინფლაციას 305 დასახელების საქონლისა და მომსახურების ფასების ყოველთვიური გამოკვლევის შედეგად ითვლის. ამ პროდუქტების ჩამონათვალში ყველაზე დიდი რაოდენობითაა სასურსათო პროდუქტები – 92 ერთეული, რაც განპირობებულია იმით რომ სამომხმარებლო კალათაზე სურსათს ყველაზე დიდი გავლენა აქვს. ფასების დეტალური ინდექსის თანახმად, 2026 წლის თებერვალში წლიურ ჭრილში ყველაზე მეტად – 92%-ით ქლიავი არის გაძვირებული. მეორე პოზიციაზეა 74%-ის გაძვირებით ქორწინების ოქროს ბეჭედი, მესამეზე კი 50%-ის ფასის მატებით ლიმონია.
2026 წლის თებერვალში ყველაზე მეტად გაძვირებული საქონლის რეიტინგი:
| # | პროდუქტი | ფასების წლიური ცვლილება |
| 1 | ქლიავი | 92% |
| 2 | ქორწინების 958 სინჯის ოქროს ბეჭედი | 74% |
| 3 | ლიმონი | 50% |
| 4 | მსხალი | 46% |
| 5 | ატამი | 33% |
| 6 | მწვანე ლობიო | 32% |
| 7 | შებოლილი თევზი | 28% |
| 8 | ახალი თევზი | 28% |
| 9 | ქალის ფეხსაცმლის შეკეთება | 26% |
| 10 | საზამთრო | 25% |
რაც შეეხება ყველაზე გაიაფებულ საქონელს, წლიურ ჭრილში ყველაზე მეტად 28%-ით მწვანილი არის გაიაფებული, 22%-ით შემცირდა კომბოსტოს ფასი, ტელევიზორის და ხახვის ფასი 19-19%-ით, მაცივარი კი წლიურად 18%-ით გაიაფდა.
| # | პროდუქტი | ფასების წლიური ცვლილება |
| 1 | მწვანილი | 28% |
| 2 | კომბოსტო | 22% |
| 3 | ტელევიზორი | 19% |
| 4 | ხახვი | 19% |
| 5 | მაცივარი | 18% |
| 6 | ნიორი | 17% |
| 7 | კომპიუტერი | 14% |
| 8 | ინტერნეტის გადასახდელი | 13% |
| 9 | სარეცხი მანქანა | 13% |
| 10 | ყურძენი | 13% |
ოფიციალური სტატისტიკით, მიმდინარე წელს გაზრდილია რესტორნებში ფასი ტრადიციულ კერძებზე. კერძოდ, თებერვალში რესტორნებშიხინკალი წლიურად 4%-ით გაძვირდა. გასული წლის თებერვალთან შედარებით 9%-ით გაძვირდახაჭაპური კაფეში, ხოლო საცხობში ხაჭაპურის ღირებულება 10.1%-ითაა გაზრდილი.
9.3%-ით გაიზარდა ბარში ლუდის ღირებულება. ასევე გაზრდილია კაფეში ყავის ფასიც და წლიურმა მატებამ 5.5% შეადგინა. (ბიემჯი)
The post ყველაზე მეტად გაძვირებული და გაიაფებული პროდუქტი თებერვალში – საქსტატი appeared first on .