„ოსკარზე“ საქართველოს სახელით ლევან კოღუაშვილის „გურიას“ წარადგენენ

საქართველოს კინემატოგრაფიის ეროვნული ცენტრის გადაწყვეტილებით, ამერიკის კინოაკადემიის ჯილდოზე საერთაშორისო სრულმეტრაჟიანი ფილმის ნომინაციაში ქვეყნის სახელით ლევან კოღუაშვილის ფილმი „გურია“ გაიგზავნება. „გურია“ შვიდი ქვეყნის (საქართველო, შვეიცარია, ლუქსემბურგი, ბულგარეთი, ნორვეგია, თურქეთი, საუდის არაბეთი) ერთობლივი პროდუქციაა, ხოლო მისი მსოფლიო პრემიერა ვენეციის საერთაშორისო კინოფესტივალზე შედგება. ფილმის ინსპირაცია გიორგი კეკელიძის „გურული დღიურები“ გახდა. რეჟისორი მასზე წლებია მუშაობს. 2019 წელს კოღუაშვილმა ამ ფილმისთვის ეროვნული კინოცენტრის დაფინანსება მოიპოვა, გადაღებები კი 2023 წელს დაიწყო. The post „ოსკარზე“ საქართველოს სახელით ლევან კოღუაშვილის „გურიას“ წარადგენენ appeared first on მედიაცენტრი მთავარი - MTAVARI.