საფრანგეთში ეიფელის კოშკი და ლუვრის მუზეუმი დაიკეტა

ძლიერი სიცხის გამო საფრანგეთში ლუვრის მუზეუმი და ეიფელის კოშკი დაიკეტა. უცხოური მედიის ცნობით, ლუვრის მუზეუმი ოთხშაბათიდან შაბათის ჩათვლით დაკეტილი იქნება. საფრანგეთში ძლიერი სიცხეების გამო სიცხის საფრთხის წითელი დონე გამოცხადდა. ძლიერ სიცხეს მსხვერპლიც მოყვა, დაიღუპა 18 ადამიანი, მათ შორის ბავშვებიც. Reuters-ის ინფორმაციით, ქვეყნის რამდენიმე ქალაქში ტემპერატურის მაჩვენებლებმა ისტორიული რეკორდები მოხსნა. ქალაქ ბორდოში, ჰაერის ტემპერატურამ 41.9 გრადუსს მიაღწია. ცენტრალურ საფრანგეთში მდებარე პუატიეში კი ტემპერატურა 41.2 გრადუსამდე ავიდა, რაც 1947 წელს დამყარებულ მაქსიმალურ მაჩვენებელს აღემატება. The post საფრანგეთში ეიფელის კოშკი და ლუვრის მუზეუმი დაიკეტა appeared first on მედიაცენტრი მთავარი - MTAVARI.