ცნობარუსთავის მუნიციპალიტეტის საკრებულოში ქუჩების დამისამართების საკითხებთან დაკავშირებით სამუშაო ჯგუფი შეიქმნა.
სამუშაო ჯგუფის მიზანია ქალაქში არსებული დაუმისამართებელი ქუჩებისა და იმ შენობების სრულყოფილი აღრიცხვა, რომლებზეც მისამართის აღმნიშვნელი აბრები არ არის განთავსებული, და შემდგომში მათი სრულად დამისამართება.
გამოცდილების გაზიარების მიზნით, საკრებულოს წევრები უკვე შეხვდნენ თბილისის საკრებულოს დეპუტატებს, საჯარო რეესტრის დამისამართების დეპარტამენტის ხელმძღვანელებსა და საკომუნიკაციო კომპანიების წარმომადგენლებს, მათ შორის GWP-სა და Energo-Pro-ს.
ათივე ადმინისტრაციულ ერთეულში არსებული მდგომარეობის დეტალური განხილვის მიზნით, ასევე დაიგეგმა სამუშაო შეხვედრები საჯარო რეესტრის წარმომადგენლებთან. სამუშაო ჯგუფის შექმნის გადაწყვეტილება საკრებულოს სივრცით-ტერიტორიული დაგეგმარებისა და ინფრასტრუქტურის კომისიის სხდომაზე მიიღეს.