,,ეს უფლება ხშირად ირღვევა, ზოგჯერ აშკარა გზებით, ზოგჯერ კი უფრო ფარული ფორმებით“ – რომის პაპი

„დღეს ჩვენ პრესის თავისუფლების მსოფლიო დღეს აღვნიშნავთ. სამწუხაროდ, ეს უფლება ხშირად ირღვევა, ზოგჯერ აშკარა გზებით, ზოგჯერ კი უფრო ფარული ფორმებით“, – განაცხადა პაპმა, ლეო XIV-მ წმინდა პეტრეს მოედანზე, საკვირაო ლოცვის დასრულების შემდეგ. მისი თქმით, პრესის თავისუფლების მსოფლიო დღე ხაზს უსვამს, როგორც დამოუკიდებელი ჟურნალისტიკის მნიშვნელობას, ასევე, იმ მზარდ საფრთხეებს, რომელთა წინაშეც მედიის წარმომადგენლები დგანან. პაპმა მორწმუნეებს მოუწოდა, ახსოვდეთ ჟურნალისტები და რეპორტიორები, რომლებმაც სიცოცხლე შესწირეს სიმართლის ძიებას, განსაკუთრებით კონფლიქტებით დაზარალებულ ადგილებში. The post ,,ეს უფლება ხშირად ირღვევა, ზოგჯერ აშკარა გზებით, ზოგჯერ კი უფრო ფარული ფორმებით“ – რომის პაპი appeared first on მედიაცენტრი მთავარი - MTAVARI.