დღეს სამტრედიაში ტრაგიკულად დაღუპული 23 წლის ბესო შარაშენიძე უკანასკნელ გზაზე გააცილეს. ახალგაზრდა მამაკაცის გარდაცვალებამ მთელი ქალაქი და საქართველო შეძრა.
გამომშვიდობების დღეს, სოციალურ ქსელში სულისშემძვრელ პოსტს აქვეყნებს გარდაცვლილის მეუღლე, მარი კაპანაძე. მისი სიტყვები სავსეა უდიდესი ტკივილით:
„დღეს ბოლო გზაზე გაგაცილე… სიტყვები აღარ მყოფნის, რომ ვთქვა რამდენად მტკივა შენ გარეშე დარჩენა. გული მეწვის საშინლად, როგორ გავუძლო ამ ყველაფერს, არ ვიცი. შენ იყავი ჩემი ძალა, ჩემი სიმშვიდე, ჩემი საყრდენი და ჩემი ყველაზე დიდი სიყვარული.
ახლა მხოლოდ მოგონებები, შენი სითბო და სიყვარული დამრჩა. გპირდები, რომ არასოდეს დაგივიწყებ. შენი სიყვარული ჩემში დარჩება სამუდამოდ… მიყვარხარ დღესაც, ხვალაც და ყოველთვის. მშვიდად განისვენე“, – წერს მარი კაპანაძე.
შეგახსენებთ, რომ შემზარავი ავტოსაგზაო შემთხვევა სამტრედიაში 25 აპრილს მოხდა.
,,გურია ნიუსი” კიდევ ერთხელ უსამძიმრებს ბესო შარაშენიძის ოჯახს, ახლობლებსა და მეგობრებს.
The post ,,შენი სიყვარული ჩემში დარჩება სამუდამოდ…“ – ტრაგიკულად დაღუპული 23 წლის მამაკაცი დღეს დაკრძალეს appeared first on გურია ნიუსი.