საჯარო სკოლის ეზოში მიუსაფარმა ძაღლებმა 6 ადამიანი დაკბინეს. შემთხვევა გურჯაანის მუნიციპალიტეტის სოფელ ველისციხეში მოხდა. ინფორმაციას “მთავარი ამბები კახეთიდან” ავრცელებს.
დაზარალებულთა შორის ხუთი ბავშვი და ერთი მშობელია, მათ სავალდებულო ვაქცინაცია უტარდებათ.
შემთხვევის შემდეგ, ძაღლები კახეთის მიუსაფარ ცხოველთა მართვის სააგენტომ თავშესაფარში გადაიყვანა, სადაც ისინი სპეციალურ ვოლიერებში 12 დღის განმავლობაში დაკვირვების ქვეშ დარჩებიან.
ცხოველების სკოლის ტერიტორიიდან გაყვანა სურსათის ეროვნული სააგენტოს ცხოველთა ჰიპერპოპულაციის მართვის პროგრამის დამჭერმა ოპერატორებმა, სპეციალური ტექნიკის გამოყენებით განახორციელეს.
The post სკოლის ეზოში მიუსაფარმა ძაღლებმა 6 ადამიანი დაკბინეს appeared first on გურია ნიუსი.