ირაკლი კობახიძე: „საქართველოს სამართალდამცავი სტრუქტურები პროფესიონალიზმითა და კეთილსინდისიერებით გამოირჩევა“ — Cnoba

პრემიერ-მინისტრის, ირაკლი კობახიძის განცხადებით, ევროკომისიის კანონის უზენაესობის ინდექსში საქართველოს მაღალი პოზიციები კიდევ ერთხელ ადასტურებს ქვეყნის სამართალდამცავი სტრუქტურების პროფესიონალიზმს და არაკორუმპირებულ მართვას.

„ჩვენს ქვეყანას შეუძლია, გამორჩეულად იამაყოს ჩვენი სამართალდამცავი სტრუქტურებით, როგორც პროფესიონალიზმის, ასევე კეთილსინდისიერების კუთხით. ევროკომისიის კვლევა კიდევ ერთი დასტურია ამის. საქართველო მოწინავე ქვეყნებს შორისაა – მე-16 ადგილი დაიკავა მაჩვენებლით, ვუსწრებთ ყველა კანდიდატ ქვეყანას. ეს ადასტურებს, რომ ქვეყანა მუდმივად პროგრესირებს და სამართალდამცავი სტრუქტურების წინსვლა ამის ნათელი მაგალითია“, – აღნიშნა პრემიერ-მინისტრმა.