ცნობააფხაზეთის უმაღლესი საბჭოს ორგანიზებით ქეთევან ლომთათიძის დაბადებიდან 115 წლისთავისადმი მიძღვნილი კონფერენციის ჩატარება იგეგმება — Cnoba
აფხაზეთის ავტონომიური რესპუბლიკის უმაღლესი საბჭოს ინიციატივითა და ორგანიზებით, ცნობილი ქართველი მეცნიერის და საზოგადო მოღვაწის, ენათმეცნიერის, აკადემიკოსის ქეთევან ლომთათიძის დაბადებიდან 115 წლისთავისადმი მიძღვნილი კონფერენციის ჩატარება იგეგმება. დეპუტატებმა ღონისძიების შესახებ პრეზიდიუმის სხდომაზე იმსჯელეს და საორგანიზაციო კომიტეტის შექმნა გადაწყვიტეს. აღსანიშნავია, რომ ქართველურ და მთის იბერიულ-კავკასიურ ( აფხაზურ-ადიღურ) ენათა სპეციალისტი ქეთევან ლომთათიძე იკვლევდა აფხაზურ- ადიღურ, აგრეთვე ქართველური ენების გრამატიკის სტრუქტურისა და ისტორიის საკითხებს. მან საფუძველი ჩაუყარა აფხაზური ენისა და მისი დიალექტების ისტორიულ-შედარებითი მეთოდით შესწავლას. არის მრავალი მონოგრაფიისა და ნაშრომის ავტორი. 1961 წელს მიენიჭა აფხაზეთის ასსრ მეცნიერებათა დამსახურებული მოღვაწის წოდება. The post აფხაზეთის უმაღლესი საბჭოს ორგანიზებით ქეთევან ლომთათიძის დაბადებიდან 115 წლისთავისადმი მიძღვნილი კონფერენციის ჩატარება იგეგმება appeared first on მედიაცენტრი მთავარი - MTAVARI.