საქართველო – მსოფლიო ჩემპიონატის მედლის მფლობელი — Cnoba

საქართველოს ნაკრებმა ფიგურული ციგურაობაში სპორტული ისტორია კიდევ ერთხელ დაწერა. საქართველოს ნაკრების წევრებმა, ანასტასია მეტელკინამ და ლუკა ბერულავამ მსოფლიო ჩემპიონატზე ვერცხლის მედლები მოიპოვეს, რაც ისტორიული წარმატების ტოლფასია. ჩემპიონატი ჩეხეთის დედაქალაქ პრაღაში გაიმართა. საქართველოს ნაკრების წევრებმა – ანასტასია მეტელკინამ და ლუკა ბერულავამ სპორტულ წყვილებში თავისუფალი პროგრამა წარმოადგინეს. მოკლე პროგრამის შემდეგ მეტელკინა-ბერულავას წყვილი მეორე ადგილზე იყო, მათ თავისუფალი პროგრამა უმაღლეს დონეზე შეასრულეს, რის შემდეგაც, მსაჯებისგან 138.96 ქულა დაიმასახურეს. ორი პროგრამის შესრულების ჯამური შეფასება კი 218.41 ქულა აღმოჩნდა. შედეგად, ისტორიაში პირველად, მსოფლიო ჩემპიონატზე საქართველოს ნაკრები ვერცხლის მედლის მფლობელი გახდა. The post საქართველო – მსოფლიო ჩემპიონატის მედლის მფლობელი appeared first on მედიაცენტრი მთავარი - MTAVARI.