ცნობა
„საქართველოს უნივერსიტეტის“ რექტორის მრჩეველი ტექნოლოგიების მიმართულებით, ნანა დიხამინჯია:
ნეტა რა თქვეს სხვებმა-მეთქი და ჩავუჯექი ამ სამიტს. პირდაპირ ეტყობოდა ყველა პირველ ლედის, საკუთარ ქვეყანაში რამე ფუნქცია აქვს თუ არა. ვინც მართლა ჩართულია, ყველა აღწერდა მოქმედ პროგრამებს, მაგალითად უკრაინა. ვინც ტყემალზე ზის, სტანდარტული ბლა-ბლა-ბლა ილაპარაკა ტექნოლოგიების მნიშვნელობაზე, მეშვიდეკლასელიც რომ დაწერდა, ისეთი. ბევრი იყო ასეთი.
მაგრამ ამასობაში ეს ხედი შემომეფეთა – რას ჰგავს ამათი ქცევა, უბრალოდ შეხედეთ. კვიციანს გადაეცით ვინმემ, რომ ამ დონის ღონისძიებაზე კევის დემონსტრაციული ღეჭვა უზრდელობად ითვლება.
რომ იცოდეთ, ამ სამიტს ყველა დიდი ტექ კომპანია ესწრება. ზოგადად, ასეთ ღონისძიებებს პატარა ქვეყნებისთვის დიდი მნიშვნელობა აქვს, რომ ღირებული პარტნიორობები წამოიღოს, თანამშრომლობის სურვილი უნდა გაუჩინოს უკეთეს ქვეყნებს. დარწმუნებული ვარ, ოლენა ზელენსკა ბევრ სასარგებლო პროგრამას წამოიღებს უკრაინაში. სხვათა შორის, ორ საერთაშორისო პროგრამაში ვუყურებ უკრაინის მოსწავლეების მონაწილეობას – საერთოდ არ გაჩერებულან და ჩვენზე ბევრად უფრო მასშტაბურად აორგანიზებენ.
აი ჩვენს ქალებთან შეხვედრისას რომელ ტექ კომპანიას მოუნდება საქართველოსთან თანამშრომლობა?
მარტო სირცხვილი კი არაა, რაც გვჭირს – უზარმაზარი შესაძლებლობების დაკარგვაა ქვეყნისთვის.