ცნობასურსათის ეროვნული სააგენტოს აზიურ ფაროსანასთან ბრძოლის მართვის ცენტრმა ქვეყნის მასშტაბით დაიწყო მონიტორინგი, რომლის მიზანია მოზამთრეობის ფაზაში მყოფი მავნებლის გავრცელების არეალისა და რაოდენობის დადგენა. მიმდინარეობს საცხოვრებელი სახლების, საკარმიდამო ნაკვეთების, მიტოვებული შენობებისა და ტყისპირა ზოლების ვიზუალური დათვალიერება, ხოლო შემდგომი ღონისძიებები მონიტორინგის შედეგებზე იქნება დამოკიდებული.
მონიტორინგის პარალელურად, მოსახლეობასთან საინფორმაციო შეხვედრები ტარდება. სპეციალისტები ადგილობრივებს სახლის პირობებში მავნებელთან ბრძოლის მეთოდებს აცნობენ, განსაკუთრებით კი მექანიკური მეთოდების ეფექტიანობაზე ამახვილებენ ყურადღებას.
მომდევნო ეტაპზე დაგეგმილია „მონიტორინგის ხაფანგების“ დამონტაჟება, ტემპერატურის მატებასთან ერთად „მოიზიდე და გაანადგურე“ სადგურების განთავსება და ცივი შესხურებით წერტილოვანი წამლობების განხორციელება.