ცნობაბოლნისის მუნიციპალიტეტის ქალთა და ბავშვთა საკითხებზე მომუშავე საბჭო სახალხო დამცველის ქვემო ქართლის რეგიონულ წარმომადგენლებს, ირმა მჭედლიძესა და მურად გუსეინოვს შეხვდა.
გაცნობითი ხასიათის შეხვედრაზე მხარეებმა სამომავლო თანამშრომლობის მიმართულებები განიხილეს და იმსჯელეს ქალთა და ბავშვთა უფლებების დაცვის კუთხით არსებულ გამოწვევებსა და მათი გადაჭრის გზებზე.
საბჭოს თავმჯდომარემ ნონა ყაველაშვილმა საბჭოს საქმიანობასა და სამომავლო გეგმებზე ისაუბრა და აღნიშნა, რომ მსგავსი შეხვედრები უწყებებს შორის კოორდინაციის გაძლიერებასა და ეფექტიან თანამშრომლობას უწყობს ხელს.
მხარეებმა მომავალშიც აქტიური თანამშრომლობის მზადყოფნა გამოთქვეს ქალთა და ბავშვთა უფლებების დაცვის მიმართულებით.