პატრიარქს სამებაში სინოდის სხდომის შემდეგ გადაასვენებენ — Cnoba

საქართველოს კათოლიკოს-პატრიარქი საპატრიარქოშია დასვენებული. ერის სულიერ მამას და მესაჭეს სამების საკათედრო ტაძარში მას შემდეგ გადაასვენებენ, რაც წმინდა სინოდის სხდომა დასრულდება. „სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, ილია II-ის გარდაცვალებასთან დაკავშირებით 2026 წლის 18 მარტს, 14:00 საათზე შედგება საქართველოს მართლმადიდებელი ეკლესიის წმინდა სინოდის სხდომა, რომლის შემდეგაც გამოცხადდება სხვა დამატებითი დეტალები უწმინდესისა და უნეტარესის დაკრძალვის თაობაზე. სინოდის სხდომის დასრულების შემდეგ მის უწმინდესობასა და უნეტარესობას, სრულიად საქართველოს კათოლიკოს-პატრიარქ ილია II-ს საპატრიარქო რეზიდენციიდან გადაასვენებენ ყოვლადწმინდა სამების სახელობის საპატრიარქო ტაძარში. საქართველოს საპატრიარქოში 18 მარტს პანაშვიდი არ იგეგმება“, – აცხადებენ საპატროარქოში. The post პატრიარქს სამებაში სინოდის სხდომის შემდეგ გადაასვენებენ appeared first on მედიაცენტრი მთავარი - MTAVARI.