ცნობასაქართველოს შინაგან საქმეთა სამინისტრო-ს ინფორმაციით, ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა დიდი ოდენობით ქონების მიღების მიზნით გამოძალვისა და ცეცხლსასროლი იარაღის უკანონო შეძენა, შენახვა და ტარების ბრალდებით წარსულში სხვადასხვა დანაშაულისთვის ნასამართლევი ორი პირი – 1962 წელს დაბადებული ე.მ. და 1981 წელს დაბადებული ა.გ. – დააკავეს.
გამოძიებით დადგინდა, რომ მიმდინარე წლის იანვარ-თებერვალში, მარნეული-ში მცხოვრებ რამდენიმე მოქალაქეს მობილურ ტელეფონებზე დაუკავშირდნენ უცნობი პირები კრიმინალური ავტორიტეტის, „ფოლადა“-ს სახელით და თანხის გადახდა მოსთხოვეს. მოთხოვნის შეუსრულებლობის შემთხვევაში ისინი მოქალაქეებს სიცოცხლის მოსპობითა და ქონების განადგურებით ემუქრებოდნენ.
სამართალდამცველებმა საქმეზე ჩატარებული კომპლექსური ოპერატიული ღონისძიებებისა და საგამოძიებო მოქმედებების შედეგად დანაშაულის ჩამდენი პირების ვინაობა მალევე დაადგინეს და ბრალდებულების სახით დააკავეს.
გამოძიება მიმდინარეობს საქართველოს სისხლის სამართლის კოდექსის 181-ე მუხლისა და საქართველოს სისხლის სამართლის კოდექსის 236-ე მუხლის მიხედვით, რაც 7 წლამდე ვადით თავისუფლების აღკვეთას ითვალისწინებს.