ცნობამეწყრული პროცესია განვითარებული ტყიბულის სოფელ ბუეთშიც, მოსახლეობა დახმარებას ითხოვს. როგორც ,,მეგა ტვ”-ს აცნობეს დაზარალებულია 2 ოჯახი.
,,ეზოში ბზარები დაახლოებით თებერვლის დასაწყისში გაჩნდა. შემდეგ მარტის დასაწყისში ჩავარდა მიწა და მის მერე მოიმატა მიწაზეც და სახლზეც. გეოლოგები მისული იყვნენ და უთხრეს, რომ სახლი უნდა დაცალონ, საშიშია იქ ყოფნა. მერიაშიც იყვნენ მისულები და უთხრეს, რომ ქირით უნდა გადავიდნენ, მაგრამ ოფიციალურად იმის დამადასტურებელი დოკუმენტი, რომ ან ქირა გადაუხადონ, ან სახლის შესაძენი თანხა მისცენ, ჯერ გაფორმებული არაა. დაგველოდეთ 2 კვირაო უთქვამთ; ამ დროს სახლიც იბზარება და სახლის ირგვლივ მიწაც. მოიცდის კი ბუნება ამდენს?” – ამბობეს ,,მეგა ტვ”-თან ოჯახის ახლობელი.
ცნობისთვის, გუშინ ტყიბულში მეწყრული პროცესები განვითარდა სოფელ კურსებში, სტიქიამ 10-მდე სახლი დაანგრია, ევაკუიერებულია 45 ოჯახი.
სოფელი ბუეთი კურსებიდან დაახლოებით 10 კილომეტრში მდებარეობს.