აშშ ირანის მოქალაქეებს ჰორმუზის სრუტის მიმდებარე ნავსადგურებისგან თავის არიდებისკენ მოუწოდებს — Cnoba

აშშ ირანის მოქალაქეებს ჰორმუზის სრუტის მიმდებარე ნავსადგურებისგან თავის არიდებისკენ მოუწოდებს. აშშ-ის ცენტრალური სარდლობა (CENTCOM) ირანში მცხოვრებ მშვიდობიან მოსახლეობას აფრთხილებს, „დაუყოვნებლივ აარიდონ თავი“ ჰორმუზის სრუტის მიმდებარედ არსებულ ყველა ნავსადგურს, სადაც ირანის საზღვაო ძალები მოქმედებენ. განცხადებაში ნათქვამია, რომ ირანის რეჟიმი სამოქალაქო პორტებს „სამხედრო ოპერაციებისთვის იყენებს“, რაც საერთაშორისო საზღვაო მიმოსვლას საფრთხეს უქმნის. „ეს სახიფათო ქმედება საფრთხეს უქმნის უდანაშაულო ადამიანების სიცოცხლეს“ – აღნიშნულია განცხადებაში. განცხადებაში ასევე ნათქვამია, რომ სამხედრო მიზნებისთვის გამოყენებული სამოქალაქო პორტები კარგავენ დაცულ სტატუსს და ხდებიან „საერთაშორისო სამართლის მიხედვით ლეგიტიმური სამხედრო სამიზნეები“. The post აშშ ირანის მოქალაქეებს ჰორმუზის სრუტის მიმდებარე ნავსადგურებისგან თავის არიდებისკენ მოუწოდებს appeared first on მედიაცენტრი მთავარი - MTAVARI.