ცნობა
სპეციალური პენიტენციური სამსახური ბრალდებულ ზურაბ მენთეშაშვილის შესახებ მისი ადვოკატის მიერ გავრცელებულ ინფორმაციას სიცრუეს უწოდებს.
უწყების განცხადებით, მენთეშაშვილი კარცერში არ იმყოფება და დროებით განთავსებულია შიდა კლასიფიკაციის (ე.წ. საკარანტინე) საკანში, პენიტენციური კოდექსის მოთხოვნების შესაბამისად.
პენიტენციური სამსახურის განმარტებით, მიუხედავად იმისა, რომ მენთეშაშვილმა შიმშილობა გამოაცხადა, ის იღებს როგორც დაწესებულების მიერ მიწოდებულ, ასევე დაწესებულების მაღაზიაში შეძენილ საკვებს, რაც შესაბამისი დოკუმენტაციითა და ვიდეომეთვალყურეობის მასალებით დასტურდება.
უწყებაში აცხადებენ, რომ საკანში მიმდინარეობს 24-საათიანი ვიდეომეთვალყურეობა და საჭიროების შემთხვევაში არქივირებული მასალის გასაჯაროებაც შესაძლებელია.