ცნობასაქართველოს პროკურატურამ გამოვავლინა დანაშაული, რომელიც საინვესტიციო თაღლითობაზეა დაფუძნებული, და თაღლითობისა და ფულის გათეთრების ბრალდებით სისხლისსამართლებრივი დევნა ერთი პირის მიმართ დაიწყო.
გამოძიების ინფორმაციით, 2023 წელს ჩინეთის სახალხო რესპუბლიკის მოქალაქემ ვებ-პლატფორმა mindraygel1.com გამოიყენა დანაშაულებრივი სქემის შესაქმნელად, სადაც პოტენციურ კლიენტებს სწრაფი მოგების მიღებას სამედიცინო პრეპარატებისა და ტექნიკის ვირტუალურ შეძენაში თანხის დაბანდების გზით სთავაზობდა. რეალურად, აღნიშნული საინვესტიციო პროექტი ფინანსურ პირამიდას წარმოადგენდა.
დანაშაულებრივი საქმიანობის შედეგად, ბრალდებულმა საქართველოს 56 მოქალაქის 394 853 ლარი მოიპოვა და თანხები უკანონოდ გადარიცხა სხვადასხვა ანგარიშებზე, გარდაქმნა კრიპტოვალუტად და განახორციელა მათი წარმომავლობის შენიღბვა.
პროკურატურა აღნიშნავს, რომ გამოძიება მიმდინარეობს განსაკუთრებით დიდი ოდენობით თაღლითობისა და ფულის გათეთრების ფაქტზე.