საშუალო თვიური ხელფასი 2 608 ლარს გაუტოლდა — Cnoba

2025 წლის მე-4 კვარტალში, გასული წლის შესაბამის პერიოდთან შედარებით, ბიზნეს სექტორის ბრუნვის მოცულობა 12.8 პროცენტით გაიზარდა და 70 მილიარდი ლარი შეადგინა. ამის შესახებ ინფორმაციას სტატისტიკის ეროვნული სამსახური აქვეყნებს. მათივე ცნობით, ზრდის ტენდენციით ხასიათდებოდა ბიზნეს სექტორის პროდუქციის გამოშვების მაჩვენებელიც. კერძოდ, 2025 წლის მე-4 კვარტალში მისი მოცულობა 27.2 მილიარდი ლარით განისაზღვრა, რაც გასული წლის შესაბამისი პერიოდის მაჩვენებელზე 15.5 პროცენტით მეტია. „საქსტატის“ ცნობით, საწარმოთა ზომის მიხედვით საშუალო თვიური ხელფასი 2025 წლის მე-4 კვარტალში, შემდეგნაირი იყო: მსხვილი ბიზნესი – 2 743.7 ლარი; საშუალო ბიზნესი – 3 084.9 ლარი; მცირე ბიზნესი – 2 152.2 ლარი. The post საშუალო თვიური ხელფასი 2 608 ლარს გაუტოლდა appeared first on მედიაცენტრი მთავარი - MTAVARI.