ცნობა
აღნიშნული პოსტი სოციალურ მედიაში ვრცელდება:
დღეს 22 წლის ახალგაზრდა ბიჭი დიაბეტურმა კომამ იმსხვერპლა… 
22 წლის…
სიცოცხლით სავსე ასაკი…
და მიზეზი — ტიპი 1 დიაბეტი, რომელიც ერთ წამში არ გაპატიებს შეცდომას.
არ ვიცით რა მოხდა — დაგვიანებული ინსულინი თუ დოზის გადაცდომა…
მაგრამ ვიცით ერთი რამ — ამ დაავადებას მუდმივი კონტროლი სჭირდება.
ყოველწუთიერი სიფრთხილე.
ზუსტი მონიტორინგი.
18 წლის შემდეგ სახელმწიფო მხოლოდ ინსულინს აფინანსებს.
სენსორი — აღარ.
მაგრამ დიაბეტი 18 წლის ასაკში არ ქრება…
არც 22-ში.
არც 30-ში.
დიაბეტური კომა არ არჩევს ასაკს.
საფრთხე ისეთივე რეალურია სრულწლოვანისთვის, როგორც 8 წლის ბავშვისთვის.
დღეს ვუსამძიმრებ ოჯახს… ეს ტკივილი სიტყვებს აღემატება
მაგრამ კიდევ ერთი ახალგაზრდის დაკარგვას უბრალოდ „სამძიმრით“ ვერ შევეგუებით.
მოვუწოდებ 18+ ასაკის დიაბეტიანთა მშობლებს და თავად ახალგაზრდებს — გავერთიანდეთ.
დავიწყოთ ორგანიზება. მოვითხოვოთ სენსორების დაფინანსება სრულწლოვანებისთვისაც.
ჩვენი შვილები სრულწლოვნები ხდებიან კანონით,
მაგრამ დაავადება მათთან ერთად არ ქრება
დავიწყოთ მოძრაობა, რომ კიდევ ერთი ოჯახი ამ ტკივილს არ შეეწიროს.