ცნობაშინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა ოჯახის წევრის მიმართ ჯანმრთელობის განზრახ მძიმე დაზიანების ბრალდებით, 1986 წელს დაბადებული კ.მ. დააკავეს.
გამოძიების ინფორმაციით, ბრალდებულმა საცხოვრებელ სახლში რამდენჯერმე გაისროლა, რის შედეგადაც მისი დედა – 1965 წელს დაბადებული თ.ლ. დაიჭრა. დაშავებული ქალი კლინიკაშია გადაყვანილი და შესაბამისი სამედიცინო დახმარება უტარდება.
სამართალდამცველებმა ნივთმტკიცებად ამოიღეს ორი არარეგისტრირებული ცეცხლსასროლი იარაღი, მჭიდები და ვაზნები.
გამოძიება სისხლის სამართლის კოდექსის 11 პრიმა 117-ე და 236-ე მუხლებით მიმდინარეობს, რაც 13 წლამდე თავისუფლების აღკვეთას ითვალისწინებს.