ცნობაშინაგან საქმეთა სამინისტროს აჭარის პოლიციის დეპარტამენტის თანამშრომლებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ხელშეწყობის ბრალდებით, აზერბაიჯანის მოქალაქე (1993 წ.დ.) და თურქეთის მოქალაქე (1993 წ.დ.) ბათუმში დააკავეს.
სამართალდამცველებმა ბრალდებულების პირადი და დროებითი საცხოვრებელი სახლების ჩხრეკისას განსაკუთრებით დიდი ოდენობით ნარკოტიკული საშუალება „ჰეროინი“ და დაფასოებისთვის საჭირო მასალები ნივთმტკიცებად ამოიღეს.
გამოძიებით დადგინდა, რომ ბრალდებულები ნარკოტიკის დაფასოებას ახდენდნენ და რეალიზაციის მიზნით ბათუმის სხვადასხვა ლოკაციაზე ათავსებდნენ.
გამოძიება სისხლის სამართლის კოდექსის 260-ე მუხლის მე-3 ნაწილისა და 260-ე კვარტა მუხლის „ა“ ქვეპუნქტით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.