„მოხარული ვარ, რომ დღეს უკრაინის თემა საერთოდ არ განიხილეს” – ფიცო

სლოვაკეთის პრემიერ-მინისტრი რობერტ ფიცო კმაყოფილია იმით, რომ დასავლეთ ბალკანეთის ლიდერთა სამიტზე ევროკავშირში უკრაინის გაწევრიანების საკითხი დღის წესრიგში არ დამდგარა. „მოხარული ვარ, რომ დღეს უკრაინის თემა საერთოდ არ განიხილეს. ევროკავშირში გაწევრიანება მხოლოდ კრიტერიუმების დაკმაყოფილებაზე უნდა იყოს დაფუძნებული. არ შეიძლება იყოს მოკლე გზები, ან გამონაკლისები. ვერავინ გახდება ევროკავშირის წევრი მხოლოდ იმიტომ, რომ ამჟამად საერთაშორისო საზოგადოების კეთილგანწყობით სარგებლობს. პირობების შესრულება აუცილებელია“, – განუცხადა ფიცომ ჟურნალისტებს. The post „მოხარული ვარ, რომ დღეს უკრაინის თემა საერთოდ არ განიხილეს” – ფიცო appeared first on მედიაცენტრი მთავარი - MTAVARI.