“გამოხტომა“ – ბათუმის საკრებულოს წევრი „ოცნებიდან“, ნერიმან ცინცაძე დიუშენის ბავშვების სოლიდარობის პეტიციაზე.
მან დღეს, 29 მაისს, ბათუმის საკრებულოს სხდომაზე, ასევე გააკრიტიკა აქტივისტები, რომლებიც წამლის მოთხოვნის მიზნით ქუჩებში ხელმოწერებს აგროვებენ. „ყველა კუთხე-კუნჭულში რომ გამოხტებიან… უნივერსიტეტში მივდიოდი და მართლაც გამოხტა, – „ხელს ხომ არ მოაწერთ პეტიციასო“, გადავწყვიტე არ ავყოლოდი, რადგან ისეთი ცუდი რამე არ მეთქვა, რაც მინდოდა რომ მეთქვა. მინდოდა რაღაც ძალიან ცუდი პასუხი გამეცა“- თქვა ნერიმან ცინცაძემ. „ნუ სპეკულირებთ ამ თემით“ – თქვა მან დიუშენის მქონე ბავშვების დასახმარებლად მიმართულ საზოგადოებრივ კამპანიაზე, იმის ფონზე, როცა დიუშენით დაავადებული ბავშვების მშობლები თვეზე მეტია ღამეს ათევენ პარლამენტთან წამლების მოთხოვნით და კობახიძესთან შეხვედრას ითხოვენ, თუმცა, ჯერჯერობით, ამაოდ.