ესტონეთის თეატრალური სფეროს ორგანიზაციებმა, მათ შორის ესტონეთის თეატრის კავშირი, ქართველ მსახიობ ანდრო ჭიჭინაძე-ს მხარდაჭერა გამოუცხადეს და მისი გათავისუფლება მოითხოვეს, – ამის შესახებ განცხადებას საელჩო სოციალურ ქსელში აქვეყნებს.
მათივე განცხადებით, ჭიჭინაძეს 2 წლით თავისუფლების აღკვეთა 2024 წლის დეკემბერში ანტისამთავრობო აქციებში მონაწილეობისთვის მიესაჯა, ხოლო საერთაშორისო ორგანიზაციები საქმეს პოლიტიკურად მოტივირებულად და არასამართლიანად აფასებენ.
„არტისტების დასჯა მშვიდობიანი მოქალაქეობრივი პოზიციის გამოხატვისთვის ეწინააღმდეგება დემოკრატიულ ღირებულებებსა და შემოქმედებითი თავისუფლების პრინციპებს. ჩვენ მოვუწოდებთ საქართველოს ხელისუფლებას, უზრუნველყოს სამართლიანი სასამართლო პროცესი, პატივი სცეს სიტყვისა და შეკრების თავისუფლებას და გაათავისუფლოს ანდრო ჭიჭინაძე და სხვა პირები, რომლებიც აქციებში მონაწილეობის გამო არიან დაპატიმრებული“, — ნათქვამია განცხადებაში.