სახალხო დამცველის დასკვნამ ამ სპეკულაციებს საბოლოოდ წერტილი დაუსვა, პაატა მანჯგალაძე არის სრულიად უკანონო პატიმარი, – ამის შესახებ “სტრატეგია აღმაშენებლის” ლიდერმა, გიორგი ვაშაძემ განაცხადა.
სახალხო დამცველის დასკვნამ ამ სპეკულაციებს საბოლოოდ წერტილი დაუსვა, პაატა მანჯგალაძე არის სრულიად უკანონო პატიმარი, მისი გათავისუფლება აუცილებელია, თუ იოტისოდენა სამართლიანობაზე ვსაუბრობთ ქვეყანაში. ჩვენ გვესმის რა სისტემას ვებრძვით, გვესმის, რომ ამ ადამიანების ამოცანაა დასაჯოს ყველა, ვისაც სურს, რომ საქართველო გახდეს ევროკავშირის წევრი, სამართლიანობა აღდგეს ქვეყანაში, ვინც არის საკუთარი ქვეყნის პატრიოტი, პაატა მანჯგალაძე ნამდვილად ასეთი ადამიანია. მიუხედავად დიდი განსაცდელისა, რის წინაშეც დგას ის და ჩვენ, მისი თანაგუნდელები და ოჯახის წევრები, პაატა არის მხნედ, აგრძელებს ბრძოლას და აუცილებლად შეიტანს წვლილს საქართველოს განვითარების პროცესში, – აცხადებს გიორგი ვაშაძე.
The post სახალხო დამცველის დასკვნამ სპეკულაციებს წერტილი დაუსვა – გიორგი ვაშაძე appeared first on .