ცნობაპატრიოტთა ალიანსის ერთ–ერთი ლიდერი, დავით თარხან–მოურავი, “ობიექტივთან” ამბობს:
ჩვენს ქვეყანაში მიღებულია ისეთი კანონები, რომელიც სააკაშვილის რეჟიმის დროსაც არ იყო. ჩვენს ქვეყანაში აღდგა კანონი დასმენების შესახებ, ეს საბჭოთა კავშირში იყო, საბჭოთა კავშირის 80–იან წლებში აღარ იყო, გაუქმებული იყო და ჩვენთან აღდგა. დღეს ნებისმიერ ადამიანს შეუძლია ვიღაცა დაასმინოს და შეიძლება ამაზე აღიძრას საქმე. ასეთი რამე, არც ერთ ცივილიზებულ სამყაროში არ არის და ჩვენთანაც არ იყო.
გარდა ამისა, ადამიანებს უკრძალავენ მიტინგებს და ტროტუარზე დგომასაც კი – გამოფხიზლდით ხალხო, ასეთი რამე არ იყო სააკაშვილის დროს, რკინის კარვები იდგა ნახევარი წელიწადი. ჩვენს ქვეყანაში სიტყვის თქმის გამო გვიჭერენ. აღარავინ აღარ ამბობს დღეს, რომ არალეგიტიმური ხელისუფლებაა და არჩევნები გაყალბდა. რატომ? – კანონებია მიღებული, თუ ამას ილაპარაკებ, ციხეა. გაიგეთ, ეს სცდება დემოკრატიის ყველანაირ საზღვრებს. ნებისმიერ ქვეყანასი, იაპონიაში, ამერიკაში, საფრანგეთში, ნებისმიერ კმოქალაქეს შეუძლია ილაპარაკოს, რომ ხელისუფლება არალეგიტიმურია და არჩევნები გაყალბდა, რამდენიც უნდა, იმდენს ილაპარაკებს – გამოფხიზლდით. ასეთი კანონები, რაც კობახიძემ მიიღო, სააკაშვილს არ მიუღია, იმიტომ ვამბობ, რომ მეორე სააკაშვილია ესა. უარესი გახდა ქვეყანა კანონებით მინიმუმ, ვიდრე სააკაშვილის სახელმწიფო იყო.
ეუთო ევროპის უსაფრთხოების ორგანიზაციაა პირველ რიგში, აამუშავა მოსკოვის მექანიზმი, ეს გამოყენებული იყო რუსეთის წინააღმდეგ, ბელორუსის წინააღმდეგ. 10 ქვეყანაა საკმარისი, რომ ამოქმედდეს ეს მექანიზმი. ბელოსურის შემთხვევაში 17–მა ქვეყანამ დაუჭირა მხარი, ჩვენს შემთხვევაში – 24–მა. ხელისუფლების მორიგი ტყუილია, – აი, 24–მა რომ დაუჭირა მხარი, 32–მა არ დაუჭირაო, განა მხარი არ დაუჭირა, თავი შეიკავა დანარჩენმა, აღარც იყო საჭირო. სომხეთის თავშეკავება გასაგებია, აზერბაიჯანისაც, თურქეთისაც, ერთ რეგიონში ვართ და თავი შეიკავეს, რა მნიშვნელობა აქვს? ის 24–იც საკმარისია. ჩამოთვლილია იქ ყველაფერი და პირდაპირ არის საუბარი ჰააგის ტრიბუნალზე, ევროპის სასამართლოზე, ეს ყველაფერი არ დამთავრდება ისე, საშიში მექანიზმებია, პასუხის მოთხოვნა მოხდება.
ჩვენ უნდა გამოვფხიზლდეთ, ჩვენ, არ შეიძლება 21–ე საუკუნეში დასმენების კანონი იყოს, არ შეიძლება ვიღაცას ტროტუარზე დგომას უკრძალავდე, სულ რომ გძულდეს ის ხალხი, არ შეიძლება! ეს ძნელი გასაგებია? ასეთი გულქვა როგორ ხართ? როგორ ვერ ხვდებით, რომ ეს უარესია, მიშა რასაც შვრებოდა იმაზე. ვინც ებრძოდა სააკაშვილის აგრესიას, თვითონ ხდებოდა აგრესიულები და მოსწონთ კობახიძის აგრესია. გამოფხიზლდით, ხალხო, გამოფხიზლდით.
The post “ეს უარესია, მიშა რასაც შვრებოდა იმაზე” – დავით თარხან–მოურავი appeared first on .