“ირანთან კონფლიქტმა არ უნდა გადაფაროს ღაზაში არსებული ჰუმანიტარული მდგომარეობა”- გერმანიის საგარეო მინისტრი

“ირანთან კონფლიქტმა არ უნდა გადაფაროს ღაზაში არსებული მძიმე ჰუმანიტარული მდგომარეობა” – ამის შესახებ გერმანიის საგარეო საქმეთა მინისტრმა, იოჰან ვადეპულმა იერუსალიმში ისრაელელ კოლეგასთან, გიდეონ საართან შეხვედრის შემდეგ განაცხადა. ვადეპულის თქმით, ჰუმანიტარული ვითარება კვლავ კრიტიკულია და დამხმარე ორგანიზაციებს ჯერ კიდევ არ აქვთ ტერიტორიაზე სათანადო წვდომა. „ირანი თავის სულ უფრო აგრესიული ქცევითა და სამხედრო პოტენციალის განვითარებით საფრთხეს წარმოადგენს, როგორც რეგიონისთვის, ისე ევროპისთვის. ირანის თავდასხმები საბოლოოდ უნდა შეწყდეს“, – აღნიშნა ვადეპულმა. The post “ირანთან კონფლიქტმა არ უნდა გადაფაროს ღაზაში არსებული ჰუმანიტარული მდგომარეობა”- გერმანიის საგარეო მინისტრი appeared first on მედიაცენტრი მთავარი - MTAVARI.