არაბთა გაერთიანებული საამიროები გერმანიაში 40 მილიარდი ევროს ინვესტირებას გეგმავენ

არაბთა გაერთიანებული საამიროები გერმანიაში 40 მილიარდი ევროს ინვესტირებას გეგმავს. ინფორმაციას არაბთა გაერთიანებული საამიროების მრეწველობისა და მოწინავე ტექნოლოგიების მინისტრი ავრცელებს. სულთან აჰმედ ალ-ჯაბერის თქმით, ახალი ინვესტიციები გერმანიის სამრეწველო შესაძლებლობების გაძლიერებასა და კვალიფიციური სამუშაო ადგილების შექმნას, ასევე ენერგეტიკული უსაფრთხოებისა და მიწოდების ჯაჭვების გაძლიერებას მოხმარდება. „გერმანია ათწლეულების განმავლობაში ჩვენი მნიშვნელოვანი სტრატეგიული და ეკონომიკური პარტნიორია. დამატებით 40 მილიარდი ევროს ინვესტირების გეგმა აჩვენებს, რომ ამ ურთიერთობის განვითარებაში გრძელვადიან პერსპექტივას ვხედავთ“, – განაცხადა სულთან აჰმედ ალ-ჯაბერმა. The post არაბთა გაერთიანებული საამიროები გერმანიაში 40 მილიარდი ევროს ინვესტირებას გეგმავენ appeared first on მედიაცენტრი მთავარი - MTAVARI.