ევროკავშირმა გრენლანდიასთან 200 მილიონი ევროს ღირებულების პარტნიორობის შეთანხმება გამოაცხადა

ევროკომისიის პრეზიდენტმა ურსულა ფონ დერ ლაიენმა გრენლანდიასთან 200 მილიონი ევროს ღირებულების პარტნიორობის შეთანხმება გამოაცხადა, რომელიც მისი თქმით, ხაზს უსვამს კუნძულის სტრატეგიულ მნიშვნელობას ევროკავშირისთვის. ფინანსური პაკეტი, რომლის ინვესტირებაც წელს და 2027 წელს იგეგმება, ორიენტირებული იქნება ციფრულ დაკავშირებადობაზე, მდგრად სამთო მოპოვებაზე, ენერგეტიკასა და ტურიზმზე, ასევე, განათლებაზე, თევზჭერასა და საცხოვრებელი სახლების მშენებლობაზე. „ეს შექმნის ახალ შესაძლებლობებს და ძლიერ და ჩართულ ევროკავშირს, როგორც გრენლანდიაში, ასევე, არქტიკაში, რადგან გრენლანდია სტრატეგიული მოკავშირე და სანდო მეგობარია“, – აღნიშნა ევროკომისიის პრეზიდენტმა. The post ევროკავშირმა გრენლანდიასთან 200 მილიონი ევროს ღირებულების პარტნიორობის შეთანხმება გამოაცხადა appeared first on მედიაცენტრი მთავარი - MTAVARI.