41 წლის ქართველმა ბიტკოინ-ინვესტორმა და ფინანსისტმა, რომლის ცხოვრებაც ჯონ ლე კარეს ჯაშუშურ რომანს წააგავს, ჰიბისკუსის დაცულ კუნძულზე მდებარე ახალაშენებული მაიამის სახლი 51.5 მილიონ დოლარად გაყიდა.
ეს გარიგება ჰიბისკუსისა და პალმის კუნძულებისთვის სარეკორდოა და აღემატება 2024 წლის გაყიდვას, როდესაც „მაიამის საიდუმლოებებით მოცულმა წვეულებების მოყვარულმა“ დანიელ ლიბურდიმ 101 North Hibiscus Drive-ის მისამართზე მდებარე ქონებაში 40.25 მილიონი დოლარი გადაიხადა.
ამ ქონების გაყიდვამდე გიორგი „ჯორჯ“ ბაჩიაშვილი თბილისიდან გაიქცა მას შემდეგ, რაც 2025 წლის 10 მარტს მას დაუსწრებლად მიესაჯა 11 წლით თავისუფლების აღკვეთა ყოფილი უფროსის — საქართველოში ყველაზე გავლენიანი ადამიანისა და ყოფილი პრემიერ-მინისტრის, ბიძინა ივანიშვილის კრიპტოვალუტის სავარაუდო მითვისების ბრალდებით. ბაჩიაშვილმა ბრალდებები უარყო და მათ პოლიტიკურად მოტივირებული უწოდა.
The post სარეკორდო გარიგება ჰიბისკუსის კუნძულზე: ქართველმა ბიტკოინ-ინვესტორმა სახლი $51.5 მილიონად გაყიდა appeared first on TTimes.GE.