ვორონეჟში დრონების იერიშის შედეგად Wildberries-ის საწყობს ხანძარი გაუჩნდა

რუსეთის ვორონეჟის ოლქში, დრონებით განხორციელებული თავდასხმის შედეგად, Wildberries-ის ლოჯისტიკურ კომპლექსში მასშტაბური ხანძარი გაჩნდა. ინფორმაციას უკრაინული მედია ავრცელებს. ნოვოუსმანსკის რაიონში აფეთქებების ხმა მთელი ღამის განმავლობაში ისმოდა. კომპანია Wildberries-ის პრესსამსახურის განცხადებით, ობიექტიდან თანამშრომლების ევაკუაცია დროულად განხორციელდა. ვორონეჟის ოლქის გუბერნატორ ალექსანდრ გუსევის ინფორმაციით, უპილოტო საფრენი აპარატებით იერიშის შედეგად 1 ადამიანი დაიღუპა, ხოლო 2 დაშავდა. The post ვორონეჟში დრონების იერიშის შედეგად Wildberries-ის საწყობს ხანძარი გაუჩნდა appeared first on მედიაცენტრი მთავარი - MTAVARI.