ქარელის მერიის სასპორტო გაერთიანება წელს მოჭიდავეებისთვის 1000 კგ ლობიოს შეძენას გეგმავს. ამ მიზნით ბაზრის კვლევა მიმდინარეობს.
სასპორტო სკოლა ქარელიდან სოფელ ბრეთის მეურნეობაში გადადის, სადაც ახალი კომპლექსი შენდება. კომპლექსი მალე გაიხსნება. შენობაში ეწყობა ოთახებიც, სადაც შორიდან ჩამოსული მოჭიდავეები იცხოვრებენ კიდეც.
ბაზრის კვლევის პროცესში მერიის ა(ა)იპ-მა გამოაქვეყნა ხილისა და ბოსტნეულის ჩამონათვალი, რომლის შეძენასაც გეგმავს. ჩამონათვალში ლობიოც შედის. ასევე მითითებულია წიწაკა და კომბოსტოც. ყველა ზემოაღნიშნული პროდუქტის მოსავალი აქვს, ამავე სოფელში, ქარელის მერს. ამ ეტაპზე უცნობია, თუ ვინ მიაწვდის ქარელელ სპორტსმენებს ლობიოს, წიწაკას, კომბოსტოს. ჩამონათვალშია ასევე ქინძი და ოხრახუშიც.