თეირანში აიათოლა ალი ხამენეის დაკრძალვის ცერემონია მიმდინარეობს. Iran International-ის ინფორმაციით, იმამ ხომეინის სახელობის მოსალას დიდ მეჩეთში დაკრძალვის ცერემონიაზე შეკრებილი ხალხი ერთხმად სკანდირებს: „შურისძიება, შურისძიება“.
ირანული მედიასაშუალებების ცნობით, ისმის შეძახილებიც – „სიკვდილი ამერიკას“ და „სიკვდილი ისრაელს“.
ცერემონიიდან ვრცელდება ფოტოები, რომლებზეც ჩანს, რომ ხალხს ხელში უჭირავს ბანერები მოწოდებით – “სისხლიანი შურისძიება”. ზოგიერთი წარწერა კი დონალდ ტრამპის მკვლელობის მოწოდებების შინაარსსაც შეიცავს. ხამენეის გამოსამშვიდობებელ ცერემონიას მისი ვაჟი მოჯთაბა ხამენეი არ ესწრება. ირანის ყოფილი უზენაესი ლიდერის ცხედარი მოსალას სალოცავ დარბაზში ორშაბათამდე დარჩება. სამშაბათს ცხედარს ყუმში, ოთხშაბათს კი ერაყში გადაასვენებენ. აიათოლა ალი ხამენეის 9 ივლისს მშობლიურ ქალაქ მეშჰედში დაკრძალავენ.