„ლუკოილის“ ყველაზე დიდმა ნავთობგადამამუშავებელმა ქარხანამ მუშაობა შეაჩერა

უკრაინული დრონების დარტყმის შემდეგ „ლუკოილის“ ყველაზე დიდმა ნავთობგადამამუშავებელმა ქარხანამ მუშაობა შეაჩერა. The Moscow Times-ის ინფორმაციით, „ნიჟეგოროდნეფტეორგსინტეზ“ ნავთობგადამამუშავებელმა ქარხანამ (ნორსი) 2 ივლისიდან დრონებით დარტყმის შედეგად ნავთობის გადამუშავება შეაჩერა. „ნორსი“, რომელიც რუსეთში მე-4 ადგილს იკავებს სიმძლავრითა და მე-2 ადგილს ბენზინის წარმოებით, დრონებით ხუთშაბათს, 2 ივლისს, დაიბომბა. შედეგად ქარხანაში, რომელიც „ლუკოილის” მთავარი ნავთობგადამამუშავებელი ქარხანაა, პირველადი გადამუშავების მთავარი დანადგარი დაზიანდა, რომელიც ქარხნის სიმძლავრის 53%-ს შეადგენდა. კიდევ ერთი დანადგარი, რომელიც ქარხნის სიმძლავრის 25%-ს შეადგენდა, დრონებმა მწყობრიდან 24 ივნისს გამოიყვანეს. 2 ივლისიდან „ნორსიმ“ შეწყვიტა საავტომობილო ბენზინისა და დიზელის საწვავის საბითუმო რეალიზაცია სანქტ-პეტერბურგის ბირჟაზე. The post „ლუკოილის“ ყველაზე დიდმა ნავთობგადამამუშავებელმა ქარხანამ მუშაობა შეაჩერა appeared first on მედიაცენტრი მთავარი - MTAVARI.